Fondacioni Shoqëria e Hapur për Shqipërinë, nëpërmjet LevizAlbania, me mbështjen e Ambasadës Zviceriane në Shqipëri, po zbaton projektin: ‘Klinikat e Ligjit’ nga Shtator 2017 deri në Maj 2019. Në kuadër të projektit janë themeluar dy Klinika Ligjore në Durrës dhe në Shkodër, të cilat kanë objekt të veprimtarisë së tyre ofrimin e ndihmës ligjore falas dhe edukimin ligjor të qytetarëve dhe komuniteteve. Klinikat e Ligjit ofrojnë ndihmë ligjore falas parësore dhe dytësore në fushat e mbrojtjes së konsumatorit, shëndetësisë, mjedisit, si dhe në kuadër të shërbimeve të ofruara nga organet e pushtetit vendor.

Klinikat e Ligjit në Durrës dhe në Shkodër ofrojnë një shumëllojshmëri shërbimesh juridike si: këshillim ligjor, përpilimin e dokumenteve të nevojshme për të vënë në lëvizje administratën publike, përfaqësimin përpara organeve administrative, përpilimin e akteve të nevojshme për të vënë në lëvizje gjykatën dhe përfaqësimin përpara gjykatës në çështjet administrative.