Duke vazhduar traditën tashmë disavjeçare të monitorimit të buxhetit të shtetit, Fondacioni i Shoqërisë së Hapur për Shqipërinë – Soros ka mbështetur edhe këtë vit një grup ekspertësh të njohur të ekonomisë dhe financave shqiptare në realizimin e kësaj veprimtarie të rëndësishme. Në kuadër të programit të “Monitorimit te Financave Publike” ka përgatitur raporte e mëposhtme:

1. Analiza e Monitorimit të Projekt-buxhetit 2016
2. Buxhetimi i prioriteteve të integrimit në Projekt-buxhetin 2016

1. Analiza e Projekt-buxhetit 2016
Menjëherë mbas miratimit të projekt-buxhetit në Këshillin e Ministrave, grupi i ekspertëve analizoi projek-buxhetin e vitit 2016 dhe paraqiti një analizë më të detajuar të:

• treguesve kryesor të projekt-buxhetit të vitit 2016;
• financimin e sektorëve prioritarë në projekt-buxhetin e vitit 2016.

Analiza e kryer në këtë dokument është e bazuar kryesisht në dokumentin e relacionit të projekt-buxhetit të vitit 2016 dhe dokumentin e buxhetit të rishikuar të vitit 2015 dhe buxhetin fillestar 2015. Raporti vihet në dispozicionin tuaj dhe të të publikut të gjerë për të ushqyer debatin e tij mbi Projektbuxhetin 2016.
Raporti është vënë në dispozicion të Kuvendit, medias si edhe të publikut të gjerë, për të ushqyer debatin mbi projekt-buxhetin 2016. 

2. Buxhetimi i prioriteteve të integrimit në projekt-buxhetin 2016

Ekipi i ekspertëve ka shqyrtuar projekt-buxhetin e vitit 2016 për të monitoruar mbështetjen financiare që ky  buxhet siguron për plotësimin e pesë prioriteteve të integrimit të Shqipërisë duke i grupuar këto 5 prioritete në tre fusha kryesore:

• Reforma në administratën publike dhe mbështetja për Ministrinë e Integrimit Europian (Prioriteti 1) për të parë në shifra konkrete mbështetjen institucionale për procesin e integrimit;
• Reforma në gjyqësor (Prioriteti 2), si matës i angazhimit për konsolidimin e shtetit të së drejtës dhe reforma  antikorrupsion dhe lufta kundër krimit të organizuar (Prioriteti 3 dhe 4);
• Respektimi i të drejtave të njeriut dhe të drejtës së pronës (Prioritetei i 5).