Fondacioni po punon prej vitesh në fuqizimin e lëvizjes prindërore dhe të grupeve të tjera që kanë interes social kundrejt shërbimit arsimor. Në këtë kuadër janë realizuar takime dhe trajnime me mësues, prindër dhe nxënës në kuadër të përdorimit të mjeteve konkrete të advokimit me qëllim trajtimin e problemeve apo padrejtësive me të cilat përballen aktorë të ndryshëm të komunitetit shkollor. Gjithashtu në të ardhmen është parashikuar që të mbështeten grupe prindërish, nxënësish dhe mësuesish që të punojnë sëbashku për të zgjidhur probleme konkrete të cilat lidhen me papërgjegjshmërinë e punonjësve apo institucioneve që veprojnë në sektorin e arsimit.