Për të adresuar diskriminimin dhe abuzimin me bazë gjinore, Fondacioni në strategjinë e re 2014-2017 do të punojë për fuqizimin ekonomik të grave dhe zvogëlimin e varësisë financiare të tyre nga burrat, duke u ofruar mundësi më të mira për t’u çliruar nga gracka e dhunës në familje. Së bashku me partnerë me përvojë të gjatë në fushën e barazisë gjinore dhe fuqizmit ekonomik të grave, në vitin 2014, partnerët OSFA-së kanë për qëllim të përqëndrohen në ndërhyrje që kanë të bëjnë me rigjenerimin e të ardhurave për gratë duke reduktuar varfërinë e tyre, sidomos në zonat rurale dhe të largëta ku nuk ka ndërhyrje nga donatorë të tjerë.